მოსწავლეებზე ორიენტირებული გარემო
.jpg)
კომფორტული გარემო
სკოლასა და სამუსიკო სემინარიაში შექმნილია კომფორტული გარემო, გამართულია ინფრასტრუქტურა, ფუნქციონირებს შესაბამისი სტანდარტებით მოწყობილი სამზარეულო პროფესიონალი პერსონალით.
მოსწავლეებზე ორიენტირებული გარემო
სკოლასა და სამუსიკო სემინარიაში შექმნილია კომფორტული გარემო, გამართულია ინფრასტრუქტურა, ფუნქციონირებს შესაბამისი სტანდარტებით მოწყობილი სამზარეულო პროფესიონალი პერსონალით.
სკოლისთვის პრიორიტეტია თემთან ეფექტიანი უკუკავშირი, მშობელთა ჩართულობის მაღალი ხარისხი. თითოეული მოსწავლის მიმართ განსაკუთრებული მზრუნველი გარემოს შექმნას უზრუნველყოფს მცირერიცხოვანი საკლასო ჯგუფები - სკოლის თითოეულ კლასში 12 - 16 მოსწავლეა. სკოლაში ასევე ფუნქციონირებს გახანგრძლივებული დღის კლასები.
მოსწავლეთა უსაფრთხოება სკოლის ერთ–ერთი უმთავრესი პრიორიტეტია. შენობის პერიმეტრი აღჭურვილია უსაფრთხოების სათვალთვალო კამერებით. სკოლასა და სემინარიას ემსახურება ხუთი თანამშრომელი, რომელთა მოვალეობა უსაფრთხოების მუდმივი მონიტორინგი და ადმინისტრაციასთან ეფექტიანი კომუნიკაციაა. ადმინისტრაციისა თუ დირექციის მხრიდან აღნიშნული პროცესის კოორდინირებული მართვის შედეგად, სკოლასა და სემინარიაში უზრუნველყოფილია სასწავლო პროცესის და, ზოგადად, სკოლაში მყოფი ყველა პირის უსაფრთხოება.
მატერიალურ-ტექნიკური ბაზა
სკოლა უზრუნველყოფილია სახელმწიფოში მოქმედი სტანდარტების შესაბამისი მატერიალურ-ტექნიკური ბაზით. ინფრასტრუქტურული კეთილმოწყობა ეფუძნება მოსწავლის ასაკობრივი თავისებურებების პრინციპების დაცვას. განთავსებულია კეთილმოწყობილ, სამსართულიან შენობაში, გიორგი ჩუბინაშვილის ქუჩაზე. სკოლასა და სემინარიას აქვს დიდი და მცირე საკონცერტო დარბაზები, რომლებშიც ტარდება დახურული და ღია კონცერტები, მუსიკალური და ზოგადი საგნებისადმი მიძღვნილი პრეზენტაციები, თემატური საღამოები, შეხვედრა-კონცერტები, კონსერვატორიის პედაგოგებისა და უცხოელი მუსიკოსების მასტერკლასები.
სკოლას ასევე აქვს მდიდარი ბიბლიოთეკა, ვიდეო და აუდიოთეკა - კონცერტების, საოპერო დადგმების უნიკალური ჩანაწერებით.